កិច្ចប្រជុំផ្ទៃក្នុងក្រុមប្រឹក្សាអ្នកច្បាប់

************************

នាព្រឹកថ្ងៃអង្គារ ១១កើត ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៧ ខែតុលា ឆ្នាំ២០២០ វេលាម៉ោង ០៩:០០ នាទី បន្ទប់៣០៩ អគារមិត្តភាព ក្រុមទី១នៃក្រុមប្រឹក្សាអ្នកច្បាប់ដឹកនាំដោយឯកឧត្តម ស៊ា ម៉ៅ អនុប្រធានក្រុមប្រឹក្សាអ្នកច្បាប់បានបើកកិច្ចប្រជុំដើម្បីពិនិត្យនិងពិភាក្សាលើ (១) សំណើសុំការអនុញ្ញាតដ៏ខ្ពង់ខ្ពស់កែសម្រួលឈ្មោះ ក្រុមការងារបច្ចេកទេសលើវិស័យគាំពារសង្គមនិងសន្តិសុខស្បៀងនិងអាហារូបត្ថម្ភ ដែលត្រូវបានបង្កើតតាំងពីឆ្នាំ២០១៤មក ទៅជា ក្រុមការងារបច្ចេកទេសចម្រុះលើវិស័យសន្តិសុខស្បៀងនិងអាហារូបត្ថម្ភ និង(២) សេចក្តីព្រាងអនុក្រឹត្យស្តីពីការបង្កើតច្រកអ៊ីនធឺណិតជាតិ ដោយមានការអញ្ជើញចូលរួមពីសមាជិកនិងមន្ត្រីអគ្គលេខាធិការដ្ឋានក្រុមប្រឹក្សាអ្នកច្បាប់។